Menua
Euskadin, Eusko Label bereizgarriaz gain, bestelako Berme-marka batzuk ditugu, marka aplikatzen den produktu edo zerbitzuetan baterako betekizun batzuk betetzen direla ziurtatzen dutenak, bereziki, horien kalitatearekin, osagaiekin, jatorri geografikoarekin, baldintza teknikoekin edo produktua prestatzeko edo zerbitzua emateko moduarekin lotutakoak.
Euskadiko fruitu, barazki, egoskari eta ortuariak identifikatzea ahalbidetzen duen berme-marka bat da.
Euskal Baserriko produktuak merkatuan nagusiki modu freskoan merkaturatzen dira, baina kontserban ere egoten dira, betiere, Euskal Baserri logotipoarekin behar bezala identifikatuta.
Kalitatezko marka kolektibo bat da eta bere helburua sagardo guztia (sagar autoktonoa eta beste lurralde batzuetakoa uztartuz) kalitate-zigilu horren parametroen arabera ekoiztea da.
Sagardo-botilek GORENAK markaren kapsula edo “txapela” beltza daramate, kalitate-kontrolak gainditu dituzte eta kalifikazio altuak eskuratu dituzte Fraisoro Ingurumen eta Nekazal Laborategiko dastatze egiaztatuetan.
Euskadiko Nekazaritza eta Elikadura Ekologikoaren Kontseiluaren bereizgarri berria da, Euskadin ekoitzitako elikagai ekologikoak bereiztekoa.
Jatorriaz gain, elikagai horiek elikagai ekologikoen etiketako EB araudian ezarritakoez aparteko betekizun gehigarriak betetzen dituzte. Nekazaritza eta abeltzaintzako produktu ugari, freskoak zein eraldatuak, hartzen dituen bereizgarri bat da.
Gainerako produktuetarako eskatzen diren betekizunetatik harago doazen betekizunak betetzen dituztela bermatzen duen EB-ko araudi batek babestuta dauden produktuak dira kalitate bereziko elikagaiak.
Eskualde baten, leku jakin baten edo, ezohiko kasuetan, herrialde baten izena da, jatorriz eskualde, leku jakin edo herrialde horretakoa den nekazaritzako produktu bat edo elikadura-produktu bat izendatzeko erabiltzen dena. Produktu horren kalitatea edo ezaugarriak berezko faktore natural eta giza faktoreak dituen bitarteko geografikokoak dira funtsean edo esklusiboki, eta horien ekoizpen, eraldaketa edo prestaketa zedarritutako eremu geografikoan egiten da.
Euskadin JIB modura aitortzen dira:: Idiazabal, Arabar errioxako Ardoa, Euskal Sagardoa, Arabako Txakolina, Bizkaiko Txakolina, Getariako Txakolina
Eskualde baten, leku jakin baten edo, ezohiko kasuetan, herrialde baten izena da, jatorriz eskualde, leku jakin edo herrialde horretakoa den nekazaritzako produktu bat edo elikadura-produktu bat izendatzeko erabiltzen dena. Produktu horrek jatorri geografiko horrekin lotu daitekeen tasun, erreputazio edo bestelako ezaugarri jakin bat du eta bere ekoizpen, eraldaketa edo prestaketa zedarritutako eremu geografikoan egiten da. Euskadin bi AGB daude: Euskal Okela eta Gernikako Piperra.
(ETB) kategoria bereko beste elikagai batzuetatik bereizten dituzten zantzu zehatzak dituzten produktuak dira, lehengai tradizionalak erabiliz ekoizten direnak, edo osaera, ekoizpen modu edo eraldaketa tradizionala ageri dutenak.
Elikagai ekologikoak soilik substantzia eta prozesu naturalak erabiltzen dituen nekazaritzako ekoizpen-metodo bat baliatuz lortzen dira. Hori bermatzeko, EB mailan etiketatzeko araudi ofizial bat dago. Logotipo ekologikoak EB-an saldutako elikagai ekologikoak identifikatzen ditu. ES-ECO-026-VAS kodeak Euskadiko Nekazaritza eta Elikadura Ekologikoaren Kontseiluak kontrolatu dituela adierazten du.
