Menua
Eusko Labela duten Kantauriko Hegaluzea eta Hegalaburra (Zimarroia) kalitate goreneko arrainak dira, banan-banan harrapatutakoak sarerik gabe, arrantzarako tresna tradizionalekin: kanabera (beita bizia) eta kazako arrantza. Arrainaren kalitatea hobetzeaz gain, metodo horien bidez arrantzategien iraunkortasuna eta itsas baliabideen iraupena bermatzen da.
EAEko arrantza-portuetan, deskargatzeko unean bertan egiten da aukeraketa. Neurri eta freskotasun irizpideak kontuan izanik, onenak aukeratu eta horiei bakarrik jartzen zaie bereizgarria.
Horrela identifikatzen da
Isatsari atxikita daraman ongi itxitako segurtasunÂ-zigiluaren bidez antzematen da arraina, Eusko LabeÂlaren ikurra du, baita beste datu baÂtzuk ere, hala nola kontrolÂ-zenbakia. Zenbaki horren eta www.hazi.eus webgunearen bidez datu hauek jakin ahal izango dituzu: itsasonÂtziaren izena, espeziea, deskargaÂ-portua, kofradia, deskargaÂ-data, eremua eta harrapaketa mota.
Arrain hau erabilita egiten diren prestakin, erdikontserba eta kontserbak izenak daraman zigiluaren bidez identifikatzen dira.
Euskadiko enpresek Eusko Label Hegaluzea eta Hegalaburra erabiltzen dituzte artisau-kontserbak eta, prestatutako platerak egiteko. Horrela, kalitate handiko produktuak jartzen dituzte gure eskura, urte guztian kontsumitzeko prest.
