Garbitu babarrunak eta jarri beratzen gau osoa.

Egosi barazkiak eta, irakiten hastean, egosi babarrunak eta utzi gutxienez 90 minutuz. Behin babarrunak egosita, kendu barazkiak eta bota gatza.

Kendu azaren hostoak, ahalik eta gutxien hautsita.

Egosi ura gatz eta bikarbonato apur batekin, eta irakin aza-hostoak 4 minutuz. Ateratzean, jarri izotza duen uretan. Xukatu hostoak eta gorde.

Erre edo egosi odolkia 20 minutuz. Jarraian, utzi hozten, kendu azala odolkiari eta birrindu.

Zabaldu aza-hostoa, jarri odolki txikitu apur bat eta bildu ezazu. Biribilkiak egin labean 5 minutuz, olio apur bat duen erretilu batean.

Zerbitzatu babarrunak eta jarri biribilkia alboan edo gainean. Gehitu pipar batzuk, olio zurrusta bat eta gatza.