Eusko Labela duen Oliba-Olio Birjina Estra Euskadin ekoiztu, landu eta ontziratzen da. Arautegi batek produktu honen goi-mailako kalitatea bermatzeko baldintzak zehazten ditu eta, horri esker, laborategietan nahiz dastatzeetan asko baloratzen diren ezaugarri organoleptikoak ditu. Haren jatorria Arroniz barietateko olibak dira. Horiek heltze-punturik onenean biltzen dira, olioak berezko ezaugarriak eta ezaugarri sentsorialak manten ditzan.

Hotzetan erauzten da, produktua aldatuko ez duten prozeduren bidez. Ondoren, egon litezkeen zikinak dekantazio natural bidez garbitu eta tenperatura kontrolatuan biltegiratzen da, degradazioa saihesteko moduan. Lan horri guztiari esker, profil orekatua du olioak, ñabardura askorekin.