Menua
Azal fin eta mami samurrekoak, ez dira minak. Kolore hori-berdexka eta zapore leuna dira Eusko Labela duen Ibarrako Piparra hain berezi egiten duten ezaugarriak.
Tokiko barietate bat da eta gehiena Gipuzkoan ekoitzi eta ontziratzen da, produktuaren hautaketa zorrotza egin ondoren.
Azidotasun eta gatz gutxi duen ardo zuriaren ozpinarekin ontziratzen den elikagai paregabe hau gero eta ezagunagoa da merkatuan; batetik, hainbat plateretako osagarri gisa eta, bestetik, aperitibo gisa.
Horrela identifikatzen da
Eusko Labela duten Ibarrako Piparrak hainbat neurritako kristalezko ontzietan aurkituko dituzu: etxean jateko edo jatetxeetarako. Ontzi guztiek kontrol-etiketa zenbakiduna daramate Eusko Labelaren ikurrarekin. Gainera, “Ibarrako Piparrekin eginda” oharra duten produktuak aurki ditzakegu merkatuan, hala nola Pipar Saltsa edo Gildak.
