Menua
Eusko Label eztiak Kalitate arloan Europako Arautegi Tekniko zorrotzenetako baten arauak betetzen dituzten eztiak dira. Ezti gordinak dira, pasteurizazio prozedurarik gabekoak. Ondorioz, beren ezaugarri biologiko eta nutritibo guzti-guztiak mantentzen dituzte.
Ezti freskoak dira, bildu berriak, kalitate handikoak eta erlauntz txikietan modu tradizionalean ekoitziak. Gure lurraldeko klima eta lore-aberastasunari esker, hainbat motatako eztiak biltzen dira kolore eta usain desberdinekin.
Horrela identifikatzen da
Ontziaren etiketazigiluan duen Eusko Labelaren ikurrari esker ezagutuko duzu ezti hau. Gainera, etiketa horretan duen zenbakiari esker, erlauntzetik saltokiraino produktuak egin duen ibilbide guztia ezagutu ahal izango dugu. Atzealdeko etiketan uzta adierazten da, freskotasunaren adierazgarri den datua. Gainera, badira “Eusko Labela duen Eztiarekin eginda” oharra duten produktuak merkatuan; esaterako, Eusko Labela duen Eztia propoliarekin.
