Eusko Labela duten Kantauriko Hegaluzea eta Hegalaburra (Zimarroia) kalitate goreneko arrainak dira, banan-banan harrapatutakoak sarerik gabe, arrantzarako tresna tradizionalekin: kanabera (beita bizia) eta kazako arrantza. Arrainaren kalitatea hobetzeaz gain, metodo horien bidez arrantzategien iraunkortasuna eta itsas baliabideen iraupena bermatzen da.
EAEko arrantza-portuetan, deskargatzeko unean bertan egiten da aukeraketa. Neurri eta freskotasun irizpideak kontuan izanik, onenak aukeratu eta horiei bakarrik jartzen zaie bereizgarria.
Isatsari atxikita daraman ongi itxitako segurtasun-zigiluaren bidez antzematen da arraina, Eusko Labelaren ikurra du, baita beste datu batzuk ere, hala nola kontrol-zenbakia. Zenbaki horren eta https://euskolabel.hazi.eus/producto-eusko-label/hegaluze-eta-hegalaburra-gure-arrantza/ webgunearen bidez datu hauek jakin ahal izango dituzu: itsasontziaren izena, espeziea, deskarga-portua, deskarga-data, eremua eta harrapaketa mota.
Datuak
2023ko kosteran, Euskadiko arrantzaleek 8.254.632 kilo hegaluze harrapatu zituzten, eta horietatik 2.799.685 kilo Eusko Label markarekin identifikatu ziren. Identifikatutako hegaluzearen batez besteko pisua 9 kilokoa izan zen.