Borja Agüerok lehen saria lortu du Eusko Label mikrokorto lehiaketan Las Guardianas lanarengatik, 6.000 euroko dirusariarekin, eta Jon Martijak bigarren saria KM0 lanagatik, 4.000 euroko dirusariarekin.

Donostiako Zinemaldiari amaiera emateko ekitaldian joan den edizioan hasitako Eusko Label film laburren sariak jaso ziren larunbatean. Aurten 30 lan aurkeztu dira eta horietatik 9tan bi sariak jokatu dira.

HAZIk eta Donostiako Zinemaldiak bultzatutako ekimena da hau, eta bere helburua da hurbileko produktua zinemaren bidez zabaltzea eta babestea, bai eta nekazaritza-, abeltzaintza- eta arrantza-munduko iraunkortasunari buruzko guztia sustatzea eta ezagutaraztea ere.