Sueztitu piperra eta tipuleta olio apur batekin, gehitu txakolina eta utzi alkohola lurruntzen. Gehitu tomate birrindua eta piper txorizero mamia eta sueztitu apur bat. Gehitu patata eta salda, guztiz estali arte, eta egosi patata egin arte (20-25 min, gutxi gorabehera). Birrindu, bota gatza eta iragazi.

Banatu hegaluze-trontzoak 100 gramoko 8 zatitan eta egin plantxan, erdigunea gutxi eginda gera dadin.

Lau plater sakonetan, gehitu marmitako saltsa beroa, plantxan egindako hegaluze-trontzoak eta apaindu Ibarrako Piparrekin. Bota oliba-olio birjina estra eta gatz apur bat.